Deprecated: Methods with the same name as their class will not be constructors in a future version of PHP; Category_Post_List_widget has a deprecated constructor in /home/bigkha5/public_html/site/wp-content/plugins/1category-post-list-widget11/category-post-list-widget.php on line 75
फेरि बलात्कार पछि हत्याः धनुषामा १० वर्षीया बालिका बलात्कार गरी हत्या गर्ने २ पक्राउ – BIG FM 101.2 MHz

Breaking News
Home » राष्ट्रिय » फेरि बलात्कार पछि हत्याः धनुषामा १० वर्षीया बालिका बलात्कार गरी हत्या गर्ने २ पक्राउ

फेरि बलात्कार पछि हत्याः धनुषामा १० वर्षीया बालिका बलात्कार गरी हत्या गर्ने २ पक्राउ

जनकपुरधाम । कञ्चनपुरकी निर्मला पन्तको बलात्कारपछि हत्या गरी उखुबारीमा शव फेला परेको घटना नसेलाउँदै सोहि प्रकृतिको अर्को घटना भएको छ । धनुषामा दसैंको पूजा हेर्न गएकी १० वर्षीया बालिकाको बलात्कारपछि हत्या भएको छ । औरही गाउँपालिका २ परवाहा निवासी राम अशिष यादवकी १० वर्षीया छोरी मनिता यादवको बलात्कार पछि हत्या भएको हो।

शुक्रबार राति ९ बजे घरमा खाना खाएपछि घर नजिकै रहेको दुर्गा मन्दिरमा मेला हेर्न गएकी उनलाई चिनजानकै दुई युवकले फकाएर एकान्तमा लगी बलात्कारपछि हत्या गरेका हुन्।

घटनामा संलग्न स्थानीय विनोद मुखिया विन र नथुनी पण्डित कुमहारलाई धनुषा प्रहरीले शनिबारै पक्राउ गरेको छ। एसपी गोविन्द थपलियाका अनुसार खाजा खुवाउने प्रलोभनमा बालिकालाई एकान्त ठाउँमा लगेर बलात्कार र हत्या गरेको उनीहरूले बताएका छन्।

मेला हेर्न पुगेकी बालिकालाई उनीहरूले खाजा खर्च भन्दै १० रुपैयाँ दिएर एकान्तमा लगेका थिए। अनुसन्धानमा खटिएका डीएसपी दीपेन्द्र शाहीले बालिकालाई एकान्त चौरमा लगेर बलात्कार गरेको र घटना लुकाउन बालिकाको हत्या गरेको जनाए। ‘बलात्कारबारे गाउँ–समाजमा बताइदिने भयले बालिकाको हत्या गरेको उनीहरूले बताएका छन्,’ शाहीले भने।

दुई युवकले बालिकालाई एकान्ततिर लगेको गाउँकै अर्की बालिकाले देखेकी थिइन्। तिनैको भनाइका आधारमा प्रहरीले दुई युवकलाई नियन्त्रणमा लिएको हो। बलात्कारपछि उनीहरूले बालिकाको नाक–मुख थुनेर हत्या गरेको प्रहरीले जनाएको छ। डीएसपी शाहीका अनुसार हत्यापछि बालिकाको शव चौरनजिकै रहेको धानखेतमा पुरेर उनीहरू घर फर्किएका थिए।

बालिका अबेर साँझसम्म पनि मेलाबाट घर नफर्किएपछि परिवारले रातभर खोजतलास गरेको थियो। नभेटिएपछि बिहान मात्रै प्रहरीलाई खबर गरेका थिए। माछा मार्दै हिँडेका बालबालिकाले धानखेतमा शव देखेपछि हल्ला गरेका थिए। मृतकको घरबाट एक किलोमिटर पश्चिममा रहेको राम अशिष साहको धान खेतमा मृत अवस्थामा फेला परेको शाहीले जानकारी दिए।

शवको प्रकृति हेर्दा नांगो अवस्थामा रहेको र शरीर भइ हिलो माटो लागेको देखिएको थियो। आरोपी मुखिया भने घटना सार्वजनिक भएपछि भाग्ने तरखरमा जनकपुरको भ्रमरपुरा चौकबाट पक्राउ परेका हुन्।

आरोपी मुखियाले आफूले आफ्ना साथी नथुनि पण्डितसँग मिलेर बालिकाको बलात्कार गरी हत्या गरेको प्रहरी समक्ष स्वीकार गरेका छन्। मुखियाकै बयानको आधारमा पण्डित पक्राउ परेका हुन्।

Check Also

‘हतार र अप्रत्याशित किसिमले छापामार शैलीमा पार्टी विभाजन’ पत्रकार सम्मेलनमा संयोजक नै पत्रकार दीर्घामा

काठमाण्डौ, १ माघ । विवेकशील साझा पार्टीले उज्ज्वल थापा समूहले छापामार शैलीमा पार्टी फुटाएको निष्कर्ष निकालेको छ …