Listen BIG FM 101.2 MHz LIVE

Breaking News
Home » Featured » नयाँ वर्ष साँझमा ‘गोल्डेन फेशन नाइट’, फेशन, संगीत र खानपिनको मिश्रण

नयाँ वर्ष साँझमा ‘गोल्डेन फेशन नाइट’, फेशन, संगीत र खानपिनको मिश्रण

रेम बिक
पोखरा, २६ चैत । नेपाली नयाँवर्षको छेको पारेर पोखरामा विशेष ‘फेशन शो’ हुने भएको छ । ‘गोल्डेन फेशन नाइट’ नाम दिएर पोखरा जिरोकिलोमिटरस्थित गोल्डेन हाउस पार्टी प्यालेसले ‘फेशन शो तथा म्यूजिकल नाइट’ कार्यक्रमको आयोजना गरेको हो । नयाँवर्षको अघिल्लो साँझ चैत ३० गते पार्टी प्यालेसकै हलमा कार्यक्रम हुनेछ ।

गोल्डेन हाउसले पहिलोपटक आयोजना गरेको यो फेशन नाइटमा पोखराका चल्तीका १२ जना मोडलहरु ¥याम्पमा उत्रिँदैछन् । त्यस्तै गायक तथा संगीतकार योगेश काजी बिसीको विशेष साँगीतिक प्रस्तुती पनि रहने आयोजक गोल्डेन हाउस पार्टी प्यालेसका संचालक प्रकाश मल्लले जानकारी दिए । त्यो सँगै सारेगम कला केन्द्रको विशेष साँस्कृतिक प्रस्तुती पनि कार्यक्रमको प्याकेजभित्र रहेको उनले बताए ।

सुस्मिता पुनको कोरियोग्राफि रहने फेशन नाइटमा मुस्कान सुनार इभेन्ट डिजाइनरको रुपमा रहेकी छन् । फेशन शोसँगै साँगीतिक तथा साँस्कृतिक कार्यक्रमका प्याकेज रहने कार्यक्रममा उपस्थित सम्पूर्ण ग्राहकहरुका लागि पार्टी प्यालेसले विशेष खानपिनको व्यवस्था समेत गर्नेछ ।

‘नेपाली नयाँ वर्षलाई विशेषगरि हाम्रा ग्राहकहरुसँगै मनाऔँ भन्ने हेतुले हामीले यस्तो अवधारणा अगाडि सारेका हौँ ।’ मल्लले भने–‘त्यो बाहेक फेशन नाइटबाट उठेको रकममध्ये नाफा रकम हामीले सामाजिक उत्तरदायित्व वहन गर्ने हिसाबले छुट्याएका छौँ ।’ उनले पोखरामा बन्ने भनिएको अन्तराष्ट्रियस्तरको क्रिकेट रंगशाला निर्माणार्थ सो रकम सहयोग गर्ने पनि जानकारी दिए ।

‘नेपाली पास्ता’को मूख्य प्रायोजनमा हुने ‘गोल्डेन फेशन नाइट’लाई स्याङयोङ मोटरले समेत स्पोन्सर गरेको छ ।

Check Also

आकाश र आँचलको डार्क प्रेमकथा ‘ब्ल्याक’ शुक्रबार देखी प्रदर्शनीमा

२५ साउन,पोखरा ।नेपाली चलचित्र ब्ल्याक आउँदो भदौ १ गतेबाट देशै भर प्रदर्शनीमा आउने भएको छ …