Deprecated: Methods with the same name as their class will not be constructors in a future version of PHP; Category_Post_List_widget has a deprecated constructor in /home/bigkha5/public_html/site/wp-content/plugins/1category-post-list-widget11/category-post-list-widget.php on line 75
नेपाल खेलकुद पत्रकार मञ्च, गण्डकी दर्ता – BIG FM 101.2 MHz

Breaking News
Home » खेलकुद » नेपाल खेलकुद पत्रकार मञ्च, गण्डकी दर्ता

नेपाल खेलकुद पत्रकार मञ्च, गण्डकी दर्ता

पोखरा, २३  साउन । नेपाल खेलकुद पत्रकार मञ्च गण्डकी विधिवत् रुपमा दर्ता भएको छ । दर्तासँगै मञ्च वैधानिक बनेको छ । जिल्ला प्रशासन कार्यालय कास्कीमा बुधबार दर्ता गरिएको मञ्चको दर्ता नम्बर ३९५४ हो ।

केशव पाठकको अध्यक्षतामा गठित ११ सदस्यीय तदर्थ समितिको उपाध्यक्ष दीननाथ बराल, महासचिव रञ्जन अधिकारी, सचिव अर्जुन गिरी, कोषाध्यक्ष विजय नेपाल, सदस्य उमेश पुन, सुरज श्रेष्ठ, नारायण शाही, गीता राना, उमा आले र सुरेन सुशील छन् । विधान मस्यौदा समिति तथा दर्ताका लागि संयोजक विजय नेपाल रहेको समितिको सदस्यमा केशव पाठक र रञ्जन अधिकारी सदस्य थिए ।

मञ्चले अब गण्डकी प्रदेशमा स्थानीय अधिकारीको स्वीकृति लिई जिल्लास्तरीय शाखा तथा समन्वय शाखा कार्यालय समेत खोल्न सक्नेछ । विधानमा कार्यसमितिको कार्यकाल ३ वर्ष उल्लेख छ । खेलकुद क्षेत्रमा कलम चलाउने पत्रकारहरु संगठित बनी २०५७ सालमा नेपाल खेलकुद पत्रकार मञ्च कास्की गठन गरिएको थियो ।

मञ्चमा ५५ जना पत्रकार आबद्ध छन् । मञ्चले तेस्रो संस्करणको पोखरा स्पोर्टस् अवार्ड सम्पन्न गरिसकेको छ । अबको अवार्ड प्रदेश स्तरीय बनाउने मञ्चले घोषणा गरिसकेको छ ।

Check Also

पोखरा फुटबल रंगशालाको काम बल्ल अघि बढ्ने भो, कभर्डहल १५ महिनामा सक्नुपर्नेमा ५ वर्ष लगाउने कम्पनीलाई नै जिम्मा !

पोखरा । लामो समय देखि प्रतिक्षारत पोखरा फुटबल रंगशालाको काम अघि बढने भएको छ । …