Deprecated: Methods with the same name as their class will not be constructors in a future version of PHP; Category_Post_List_widget has a deprecated constructor in /home/bigkha5/public_html/site/wp-content/plugins/1category-post-list-widget11/category-post-list-widget.php on line 75
इतिहास रचे बुबाहरुले, मैदान उत्रे छोराछोरीहरु – BIG FM 101.2 MHz

Breaking News
Home » खेलकुद » इतिहास रचे बुबाहरुले, मैदान उत्रे छोराछोरीहरु

इतिहास रचे बुबाहरुले, मैदान उत्रे छोराछोरीहरु

क्रोएसियाले इंग्ल्याण्डलाई निराश पार्दै रुसमा जारी विश्वकप फुटबलको फाइनलमा स्थान बनाएको छ । पहिलो पटक विश्वकपको फाइनलमा पुगेको क्रोएसियाका लागि अतिरिक्त समयमा मारियो मान्जुकीले गरेको गोल निर्णायक बन्यो ।

सुरुमा नै गोल खाएर पछि परेको क्रोएसिया दोस्रो हाफमा खेलमा फर्कियो । ६८ औँ मिनेटमा इभान पेरिसिकले बराबरी गोल फर्काएपछि खेल अतिरिक्त समयमा धकेलियो ।

मान्जुकीको गोलले उसलाई पहिलो पटक उपाधि होडमा पुर्‍याएको छ । मस्कोमा रहेको जुज्हनिक रंगशालामा बुधबार राति भएको खेलमा जित निकालेपछि युरोपको सानो देश क्रोएसियाका खेलाडी, खेल पदाधिकारी तथा समर्थकले उत्सव मनाए ।

उनीहरुको अनुहारमा फुलेको मुस्कान सबैलाई तान्ने खालको थियो नै तर त्यो भन्दा लोभलाग्दो बन्यो जित लगत्तै मैदान छिरेका बच्चाहरु ।

क्रोएसियाली टिमका खेलाडीका छोराछोरी मैदानमा छिरे, उनीहरुका बुवाहरु खुशीयाली मनाउँदै थिए, भर्खरै बुवाहरुले खेलेको बल उनीहरुले खेल्न थाले । गोलरक्षक जानिजेल सुबासिक र डिफेन्डर डोमागोज भिडाले आफ्ना छोराछोरीसँग खेलेर खुशीयाली मनाए ।

-देशसञ्चारबाट

Check Also

पोखरा फुटबल रंगशालाको काम बल्ल अघि बढ्ने भो, कभर्डहल १५ महिनामा सक्नुपर्नेमा ५ वर्ष लगाउने कम्पनीलाई नै जिम्मा !

पोखरा । लामो समय देखि प्रतिक्षारत पोखरा फुटबल रंगशालाको काम अघि बढने भएको छ । …