Listen BIG FM 101.2 MHz LIVE

Breaking News
Home » बिग समाचार » बिग आइकन घन्किए यूकेमा, ‘माया पव’ मा नेपाली स्पोर्टस् र म्युजिकको फ्युजन (तस्विर र भिडियो)

बिग आइकन घन्किए यूकेमा, ‘माया पव’ मा नेपाली स्पोर्टस् र म्युजिकको फ्युजन (तस्विर र भिडियो)

पोखरा, ७ असोज । सांगीतिक भ्रमणका लागि बेलायत पुगेका सातौं बिग आइकन सुवास गुरुङले तीन दर्जन गीतमार्फत् त्यहाँ रहेका संगीत पारखीलाई मन्त्रमुग्ध बनाएका छन् । बेलायतमा पहिलो कार्यक्रम अन्तर्गत शनिबार राति लण्डनस्थित साउथ हारोमा रहेको माया पबमा आफ्नो प्रस्तुति राखेका हुन् ।

हाम्रो नेपालमा, कति बाँचौला है माया, च्याङ्बा होई च्याङ्बा, चाइना कम्पनी, गुराँसै फुल्यो लगायतका तीन दर्जन गीत गाउँदा सुवासलाई उपस्थित सबैले साथ दिए । कार्यक्रम स्पोर्टस् र म्युजिकको फ्युजन बन्यो । नेपालबाट गएका नेपाली फुटबलका विशिष्ट व्यक्तिहरु र बिग आइकन सुवास गुरुङ, आयोजक बिग एफएमका अध्यक्ष महेश भण्डारीले एउटै स्टेज शेयर गरे ।

बेलायतको सांगीतिक भ्रमणमा बिग आइकनको सातौं संस्करणका विजेता सुबास गुरुङ

Posted by London Nepal News on Saturday, September 22, 2018

त्यहाँ सबैको रोजाइ बनिसकेको माया पवका सञ्चालक सिद्धार्थ बिक्रम क्षेत्री खेलकुदसँग सम्बन्धित रहेकाले पनि यो संगीत र खेलकुदको फ्युजन बनेको हो । क्षेत्री राष्ट्रिय तथा अन्तर्राष्ट्रिय खेलाडी संघ बेलायतका अध्यक्ष समेत हुन् ।

बेलायतबाट प्रकाशित हुने नेपाली भाषाको पत्रिका ‘यूरोपको नेपालीपत्र’ को आमन्त्रण तथा काठमाण्डौ थापाथलीस्थित द ब्रिटिश कलेजको व्यवस्थापनमा अहिले बिग आइकन गुरुङ अध्यक्ष भण्डारी सहित बेलायत भ्रमणमा छन् । त्यहाँ करिब दुई हप्तासम्म सुवासले विभिन्न शहरहरुमा रहेका नेपाली समुदायबीच आफ्नो साँगीतिक प्रस्तुती राख्ने कार्यक्रम छ । साउन हारो, प्लमस्टीड लगायतका स्थानमा कार्यक्रम हुनेछन् । लण्डनकै प्लमस्टीडमा रहेको डाँफेमा पनि उनको प्रस्तुति रहनेछ ।

यसअघि, चौथो बिग आइकन मुस्कान रानाभाट, छैटौं बिग आइकन साजन आले यो ‘ट्रिप’ अन्तर्गत बेलायत पुगेर सांगीतिक कार्यक्रम गरिसकेका छन् । ‘नेपालीपत्र’ यूकेबाट निस्कने नेपाली भाषाको पत्रिका हो । यो पत्रिका भगिनि संस्था द ब्रिटिश कलेजको मातहतमा रहेर निस्कँदै आएको छ । काठमाण्डौको थापाथलीस्थित ‘द ब्रिटिश कलेज’ले नेपालमै बेलायतकै यूनिभर्सिटीको सम्बन्धनमा विद्यार्थीहरुलाई अन्तर्राष्ट्रिय स्तरको शिक्षा दिँदै आएको छ । द ब्रिटिश कलेज ‘सपोर्टेट बाइ’ टाइटलमा बिग आइकनमा निरन्तर चारवर्षदेखि जोडिएको छ ।

एन्फा अध्यक्ष शेर्पासंगै उपाध्यक्ष कृष्ण थापा र उपेन्द्रमान सिंह पनि सँगै

अखिल नेपाल फुटबल संघ (एन्फा) का अध्यक्ष कर्माछिरिङ शेर्पा नेतृत्वको एक टोली लण्डनमा छ । टोलीले माया पबमा बिग आइकनको प्रस्तुतिमा साथ दिए ।

अन्तर्राष्ट्रिय फुटबल महासंघ (फिफा)को वार्षिक अवार्ड वितरण समारोह तथा विश्वकप समिक्षा बैठकमा भाग लिन एन्फा अध्यक्ष शेर्पासंगै उपाध्यक्षयद्वय कृष्ण थापा र उपेन्द्रमान सिंह शनिबार साँझ लण्डन पुगेका हुन् ।

बिग आइकनको प्रस्तुति रहेको स्वागत कार्यक्रममा अध्यक्ष शेर्पाले नेपाली फुटबलप्रतिको माया बढाउन आफू देश विदेशमा सम्बन्ध विकास गर्न लागिपरेको बताउँदै नेपाली राष्ट्रिय टोलीलाई बेलायतमा ल्याएर खेलाउने बताए । उनले भने – ‘यहाँ म आफैलाई युके जस्तै लागेन, आफ्नै गाउँठाउँ जस्तो लागेको छ । सबै आफ्नै ।’ शेर्पाले अन्तर्राष्ट्रिय स्तरको लोगो र जर्सी बनाउने गरी परिवर्तन कार्य हुँदै रहेको पनि जनाए ।

राष्ट्रिय तथा अन्तर्राष्ट्रिय खेलाडी संघ बेलायतका अध्यक्ष क्षेत्रीले क्रिकेटका कार्यक्रमहरु भईरहेका छन्, फुटबल किन नगर्ने ? भनेर दुई वर्षदेखि आफू लागिपरेको र ठूलो प्रोजेक्ट आयोजना आउने बताए ।

बिग एफएमका अध्यक्ष भण्डारीले मिठो आतिथ्यता र यस्तो राम्रो व्यवस्थापनका लागि आयोजकप्रति आभार प्रकट गरेका छन् ।

    

– लण्डन नेपाल न्यूज डटकमका लागि शिव भण्डारीको तस्विर ।

7th Big Icon Subash Gurung @ London

Posted by Global NepaliPatra on Saturday, September 22, 2018

Check Also

पोखरामा पूर्व राजारानी बस्ने होटल यस्तो छ, २ हप्ता बसेर न्यू इयर मनाएर मात्र फर्कने !

पोखरा । पूर्व राजारानी ज्ञानेन्द्र शाह र कोमल शाह पोखरा आएका छन् । बुद्ध एयरको …