Listen BIG FM 101.2 MHz LIVE

Breaking News
Home » Big Audio » आज तिहारको महत्वपूर्ण दिन भाइटीका,कसरी सुरु भयो भाइटीकाको प्रचलन ? (अडियो रिपोर्ट)

आज तिहारको महत्वपूर्ण दिन भाइटीका,कसरी सुरु भयो भाइटीकाको प्रचलन ? (अडियो रिपोर्ट)

२३ कात्तिक,पोखरा  । आज तिहारको अन्तिम तथा महत्वपूर्ण दिन भाइटीका । दिदीबहिनीले आफ्ना दाजुभाइलाई श्रद्धा,आस्था र निष्ठाका साथ दीर्घायु, आरोग्य एवम् ऐश्वर्य प्राप्तिको कामना गर्दै परम्पराअनुसार पञ्चरङ्गी वा सप्तरङ्गी टीका लगाई यो पर्व मनाईदैछ । भाइटीकामा दिदीबहिनीले दाजुभाइलाई टीका लगाएपछि दाजुभाइले पनि दिदीबहिनीलाई टीका लगाउने गरिन्छ । दाजुभाइलाई पूजा गर्नाले अखण्ड सौभाग्य र ऐश्वर्य प्राप्त हुने शास्त्रीय मान्यता रहेको नेपाल पञ्चाङ्ग निर्णायक समितिका अध्यक्ष प्रा डा रामचन्द्र गौतम बताउँछन् ।

लक्ष्मी पूजाका दिन स्थापना गरिएको दियो, कलश र गणेशको पूजा गरी मूल थालीमा लेखिएको अष्टदलमा माकण्डेय, अश्वत्थामा, बलि, व्यास, हनुमान, विभीषण, कृपाचार्य र परशुराम गरी अष्ट चिरञ्जीवी, चित्रगुप्त, यमराज, यमुना र धर्मराज, गणपत्यादि वनस्पत्यन्त देवताको समेत पूजा आजा गरी दिदीबहिनीले दाजुभाईलाई तेलको धाराले छेकेर परम्पराअनुसार सप्तरङ्गी वा पञ्चरङ्गी टीका, मखमली, सयपत्री र गोदावरी लगायतका फूलका माला लगाइदिने गरिन्छ । आज ११ बजेर ५५ मिनेटमा भाइटीकाको साइत उत्तम रहेको छ ।

अडियो रिपोर्ट::

  FILE PHOTO

Check Also

भित्रियो तिहार,यमपञ्चकको पहिलो दिन आज कागको पूजा गरिँदै (अडियो रिपोर्ट)

१९ कात्तिक । हिन्दु धर्मावलम्बीहरुको दोस्रो ठूलो चाड तिहार आजबाट सुरु भएको छ । तिहार …