Listen BIG FM 101.2 MHz LIVE

Breaking News
Home » बिग समाचार » यूके स्थित नेपाली दुतावासमा ‘बिग आइकन’, संगीतमा हुरुक्क राजदुत सुवेदी मन्त्रमुग्ध

यूके स्थित नेपाली दुतावासमा ‘बिग आइकन’, संगीतमा हुरुक्क राजदुत सुवेदी मन्त्रमुग्ध

बेलायत स्थित नेपाली राजदुतावासमा ‘रातो र चन्द्र सूर्य’ घन्कियो । राजदुत डा. दुर्गाबहादुर सुवेदी सामु बिग आइकन सुवास गुरुङले राष्ट्रिय भावले ओतप्रोत गीत मात्र गाएनन्, राजदुतकै रोजाईमा ‘मुसुमुसु हाँसेर हिँड्नेले’ रोमान्टिक गीत समेत गाए ।

राजदुत डा. सुवेदी आफै साहित्य र संगीतमा जोडिएका व्यक्ति हुन् । डा. दुबसु क्षेत्री उनको साहित्यिक नाम हो । बेलायत पुगेपछि पनि दुबसुका दुई एल्बम निस्किसके । गीत गजलसंग्रह निर्मम यादहरु र आधुनिक गीति संग्रह म जस्तो तिमी पनि उनका सिर्जना हुन् । बिग आइकन गुरुङलाई आफ्नो सिर्जना हस्तान्तरण गर्दै संगीतमा निरन्तर साधनाका लागि सल्लाह प्रकट गरे ।

दुतावासमै भएको भेटमा बिग आइकन सुवास गुरुङ, बिग एफएमका अध्यक्ष महेश भण्डारीसँगै खेलसंघ संस्थाका पदाधिकारी पनि थिए । अखिल नेपाल फुटबल संघ एन्फाका अध्यक्ष कर्माछिरिङ शेर्पा, उपाध्यक्ष कृष्ण थापा, उपेन्द्रमान सिंहका साथै यूकेमै भएको अन्तराष्ट्रिय स्तरको करातेँ प्रतियोगितामा रजत र काश्य जित्ने टीमका खेलाडीहरु विप्लवलाल श्रेष्ठ, विनोद शाक्य गुभाजु, सोनम लामा लगायतको उपस्थिति रहेको थियो । साथै, दुतावासका उच्च पदस्थ व्यक्तिहरु पनि सहभागी थिए ।

राजदुत डा. सुवेदीले खेल र संगीतले विश्व चिनाउनेहरू नै देशका सक्कली राजदुुत भएको बताए । उनले गत वर्ष पनि बिग आइकन साजन आले मगरलाई भेटेको र गीत सुनेको स्मरण गर्दै लामो समय बिग आइकन जस्तो कार्यक्रमको महत्वबारे प्रशंसा गर्न भ्याए । गत वर्ष तमु धिं, यूकेको कार्यक्रममा बिग आइकन सहभागी हुँदा राजदुत सुवेदी अतिथिका रुपमा निम्त्याइएका थिए ।

बिग एफएम अध्यक्ष महेश भण्डारीले दुतावासमै भेट दिनु खुशीको कुरा भएको बताए । ‘व्यस्त समयका बावजुत राजदुत डा. सुवेदीज्यूले समय छुट्याइदिनुभयो । यति धेरै समय कमले मात्र पाईन्छ ।’ भण्डारीले भने – ‘बिग आइकन कार्यक्रमका लागि हौसला हो ।’ युरोपको नेपालीपत्रका श्री सिद्धार्थ विक्रम क्षेत्रीले यो सबै कार्यक्रकको चाँजोपाँजो र संयोजन गरेका हुन् ।

सांगीतिक भ्रमणका लागि बेलायत पुगेका सातौं बिग आइकन सुवास गुरुङ त्यहाँ विभिन्न कार्यक्रम सहभागी भइरहेका छन् ।

बेलायतबाट प्रकाशित हुने नेपाली भाषाको पत्रिका ‘यूरोपको नेपालीपत्र’ को आमन्त्रण तथा काठमाण्डौ थापाथलीस्थित द ब्रिटिश कलेजको व्यवस्थापनमा अहिले बिग आइकन गुरुङ अध्यक्ष भण्डारी सहित बेलायत भ्रमणमा छन् । त्यहाँ करिब दुई हप्तासम्म सुवासले विभिन्न शहरहरुमा रहेका नेपाली समुदायबीच आफ्नो साँगीतिक प्रस्तुती राख्ने कार्यक्रम छ ।

यसअघि, चौथो बिग आइकन मुस्कान रानाभाट, छैटौं बिग आइकन साजन आले यो ‘ट्रिप’ अन्तर्गत बेलायत पुगेर सांगीतिक कार्यक्रम गरिसकेका छन् । ‘नेपालीपत्र’ यूकेबाट निस्कने नेपाली भाषाको पत्रिका हो । यो पत्रिका भगिनि संस्था द ब्रिटिश कलेजको मातहतमा रहेर निस्कँदै आएको छ । काठमाण्डौको थापाथलीस्थित ‘द ब्रिटिश कलेज’ले नेपालमै बेलायतकै यूनिभर्सिटीको सम्बन्धनमा विद्यार्थीहरुलाई अन्तर्राष्ट्रिय स्तरको शिक्षा दिँदै आएको छ । द ब्रिटिश कलेज ‘सपोर्टेट बाइ’ टाइटलमा बिग आइकनमा निरन्तर चारवर्षदेखि जोडिएको छ ।

7th #BIGicon Subash Gurung at Embassy of Nepal, London singing in honour of Honorable Abbassador Dr. Durga Bahadur Subedi. <3

Posted by Mahesh Bhandari on Wednesday, September 26, 2018

 

 

Check Also

पोखरामा पूर्व राजारानी बस्ने होटल यस्तो छ, २ हप्ता बसेर न्यू इयर मनाएर मात्र फर्कने !

पोखरा । पूर्व राजारानी ज्ञानेन्द्र शाह र कोमल शाह पोखरा आएका छन् । बुद्ध एयरको …