२९ फागुन, हामिल्टन / न्युजिल्यान्डले विश्वकप क्रिकेटमा आफ्नो अपराजित यात्रा जारी राख्दै बंगलादेशलाई ३ विकेटले पाखा लगाएको छ। २८९ रनको लक्ष्य पछ्याएको न्युजिल्यान्डले ७ बल बाँकी छँदै ७ विकेट गुमाएर लक्ष्य पूरा गरेको हो।
न्युजिल्यान्डका लागि एमजे गुप्तेलले १०५ रनको योगदान दिए।
महमुदल्लाह चम्किएपछि बंगलादेशले न्युजिल्यान्ड समक्ष २८८ रनको स्कोर बनाउन सकेको थियो। टस हारेर ब्याटिङको निम्तो पाएको बंगलादेशले निर्धारित ओभरको खेलमा ७ विकेट गुमाउँदै सो स्कोर बनाएको थियो। महमुदल्लाहले १ सय २३ बलमा १२ चौका र ३ छक्कासहित अविजित १ सय २८ रन बनाए।
त्यस्तै सौम्या सरकारले ५१ र सब्बिर रहमानले ४० रन बनाए।
न्युजिल्यान्डका ट्रेन्ट बल्ट, कोरी एन्डर्सन र ग्रान्ट इलिअटले समान २ विकेट लिए।
कमेन्ट गर्नुहोस्
