पोखरा । गोलरक्षक राजु नगरकोटीको उत्कृष्ट प्रदर्शनले एपीएफ मनकामना केबुलकार पोखरा कपको फाइनलमा पुगेको छ । जापानबाट नेपालमा पहिलो पटक खेल्न आएको रोश्सी यूनिर्भसिटीको टिम विरुद्ध नगरकोटी चुम्कझैं खडा भए ।
खेलको पूर्ण अवधी र त्यसपछि थपिएको ३० मिनेटसम्म नगरकोटीले जापानी प्रहारहरुलाई जोगाइनै रहे । एपीएफले अन्ततः टाइब्रेकरमा जापानको रिश्सो युनिभर्सिटीको टीमलाई ४–१ गोलले पराजित गर्दै उपाधि नजिक पुगेको हो ।
वर्षाका कारण एक दिन स्थगित गरी शुक्रबार हिलाम्य मैदानमा खेलाइएको प्रतिष्पर्धामा जापानी टिम लोभलाग्दो प्रदर्शनीबीच पनि फाइनल यात्रा तय गर्न असफल बन्यो । उसका दर्जनौं प्रहारले लिगको पाँचौ स्थानमा रहेको विभागीय एपीएफको डिफेन्स चिर्न सकेन ।
उता, पेनाल्टी सुटआउट समेत उत्कृष्ट बचाउ गरेका एपीएफ कीपर नगरकोटी म्यान अफ दी म्याच घोषित भए । पाहुना टोलीबाट नातसुकी ताकेदाको पहिलो प्रहार नगरकोटीले बचाएका थिए भने तेस्रो प्रहार गरेका आकिरा इमामुरोले पेनाल्टी प्रहार क्रस बार बाट बाहिरिन पुगेको थियो ।
निर्धारित ९० मिनेटको खेलमा गोलको जालो बुन्न नसकेपछि एपीएफको टाइब्रेकरमा पु¥याउने रणनीति अन्ततः सफल भयो । एपीएफबाट सुदीप सिंखाकार, आशीष लामा, राजीव लोप्चान र राजु नगरकोटीले पेनाल्टीमा गोल गरेका हुन् । जापानका क्याप्टेन ताकुया हितोमीले प्रहार गोलमा परिणत भएको थियो ।
जितपछि एपीएफ प्रशिक्षक राजेन्द्र तामाङले खेलमा आफूले सोचे जस्तै रणनिती पूर्ण रुपमा सफल रहेको र विपक्षीलाई रोक्ने प्रयास पनि सफल रहेको हुनाले फाइनलमा स्थान पक्का गरेको बताए ।
जापानीज टिमका कोच टुकुरियो ताकेसीले आफ्नो टिमको रिबाउण्ड बलमा आफूहरु कमजोर र विपक्षी वीन हुँदा स्कोर हुन नसकेको बताए । नेपालमा दुई विभागीय टीम नेपाल पुलिस र एपीएफसँग खेल खेलेको उसले नेपालकी फुटबल कौशल राम्रो रहेको बताए ।
शनिबार मनाङ र क्यामरुनको डफिन्स क्लबका विच दोश्रो सेमीफाइनल खेल हुने कास्की जिल्ला फुटबल संघले जनाएको छ ।
तस्विरः गोलनेपाल
