तनहुँ । गिठ्ठा भ्याकुर खाँदा तनहुँको व्यास नगरपालिका–१ गल्बुवेंसीमा १० जना बिरामी परेका छन्। व्यास–७ दुलेपानीको वनबाट ल्याइएको गिठ्ठा भ्याकुर खाँदा उनीहरु बिरामी परेका हुन् ।
गिठ्ठा भ्याकुर खाएपछि बान्ता हुने, रिँगटा लाग्ने र वाकवाक हुने भएपछि उनीहरुलाई स्थानीयवासीले अस्पताल लागेका थिए ।
गल्बुवेंशीका फरकफरक घरका १० जना एकसाथ बसेर गिठ्ठा भ्याकुर खाएका थिए। स्थानीय चक्रबहादुर अधिकारीका अनुसार गिठ्ठा भनेर जंगलमा हुने सर्पको मकै भनिने बाको ल्याएकाले बिरामी भएको हुनसक्ने अनुमान गरिएको छ ।
उनीहरुको दमौली अस्पतालमा उपचार भइरहेको जिल्ला प्रहरी कार्यालय तनहुँका प्रमुख प्रहरी उपरीक्षक विनोद सिलवालले जानकारी दिए।
बिरामीलाई समयमै अस्पताल र्पुयाइएकाले उनीहरुको अवस्था सामान्य रहेको प्रहरी उपरीक्षक सिलवालले बताए।
कमेन्ट गर्नुहोस्
