तनहुँ । तनहुँको भिमाद नगरपालिकाले रङ्गशालामा प्यारापिट निर्माण गरेको छ । नगरपालिकाले दर्शकको सहजताका लागि भिमाद नगरपालिका–६ क्याम्पस रोडस्थित रङ्गशालामा उक्त प्यारापिट निर्माण गरेको हो ।
प्यारापिटको लम्बाइ ७७ मिटर तथा चौडाइ ११ मिटर रहेको रङ्गशाला निर्माण उपभोक्ता समितिका अध्यक्ष उज्वल खनालले जानकारी दिए ।
प्यारापिटको क्षमता झण्डै तीन हजार दर्शक अटाउने रहेको छ । सो कार्यका लागि नगरपालिकाले रु ४६ लाख ८० हजार तथा स्थानीयवासीले रु छ लाख चार हजार सहयोग गरेका छन् ।
कमेन्ट गर्नुहोस्
