काठमाडौं – भूमि व्यवस्था, सहकारी तथा गरिबी निवारण मन्त्री पद्माडकुमारी अर्यालले विभेदका पर्खालहरू द्रुतगतिमा भत्किदै गएको बताएकी छन् ।
मानवअधिकारका लागि महिला, एकल महिला समुहद्वारा सञ्चालित हाम्रो आधार बचत तथा ऋण सहकारी संस्था लिमिटेडको दशौं वार्षिक साधारणसभालाई आज (शुक्रबार) काठमाडौंमा सम्बोधन गर्दै मन्त्री अर्यालले महिलाका प्रगतिका बाधक विभेदका पर्खालहरू भत्किदै गएको बताएकी हुन् ।
घरभित्र बस्ने महिलाहरू व्यवसायी बन्दै गएको भन्दै उनले यस्ता गतिविधिले गौरवको अनुभूति हुने बताइन् । मन्त्री अर्यालले सीप सिकेर व्यवसायिकतामा जान जोड दिइन् ।
यस्ता कुराहरूलाइ सरकारले प्रोत्साहन गर्ने मन्त्री अर्यालले बताइन् । महिला आन्दोलन उत्साहित हुनुपर्ने ठाउँमा भएको भन्दै उनले अबको जमाना आत्मनिर्भरता, सीपको, क्षमताको जमाना भएकोमा जोड दिइन् ।
कमेन्ट गर्नुहोस्
