काठमाडौँ । बाँकेको क्वारेन्टाइनमा आज बिहान मृत्यु भएका युवकको स्वाब परीक्षण गर्दा कोरोना रिपोर्ट पोजेटिभ आएको छ ।
२५ वर्षीय ती युवकको स्वाब परीक्षणका लागि हिजो (शनिबार) भेरी अञ्चल अस्पताल लगिएकोमा आज रिपोर्ट पोजेटिभ आएको स्वास्थ्य तथा जनसंख्या मन्त्रालयले जनाएको छ ।
मृतक वैशाख ३० गते भारतबाट नेपाल आएका थिए । उनलाई गाउँपालिकाले त्यसैदिनबाट नरैनापुरको दीपेन्द्र मावि भोजभगवानपुरको क्वारेन्टाइनमा राखेको थियो । उनमा स्वासप्रश्वासमा समस्या भएको र आज विहान ६ः४० बजे मृत्यु भएको हो ।
यससँगै नेपालमा कोरोना संक्रमणबाट मृत्यु हुनेको संख्या दुई पुगेको छ । नेपालमा अहिलेसम्म संक्रमितको संख्या दुई सय ९१ पुगेको छ । ३६ जना निको भएका छन् ।
कमेन्ट गर्नुहोस्
