काठमाडौँ । सिन्धुपाल्चोकको जुगल गाउँपालिका–२ लिदीमा गत शुक्रबार विहान गएकोे पहिरोमा हराइरहेका मध्ये थप तीन जनाको शव भेटिएको छ।
यसअघि २५ जनाको शव भेटिसकेको छ । ११ जना अझै बेपत्ता छन्। पहिरोमा परेर ३९ जना बेपत्ता भएका थिए।
आज एक बालक र दुई महिलाको शव फेला परेको प्रहरीले जनाएको छ । प्रहरीका अनुसार पाँच वर्षीय सानुकान्छा दोङ, ४२ वर्षीया जिबिरानी दोङ र १८ वर्षीया ललिता दोङको शव फेला परेको हो ।
यससँगै पहिरोमा ज्यान गुमाउने २८ जना पुगेका छन्। हालसम्म फेला परेका शवमध्ये १५ पुरूष र १३ महिला छन्।
पहिरोमा हराइरहेकाहरूको नेपाली सेना र नेपाल प्रहरी र स्थानीयले खोजि गरिरहेका छन् ।
पहिरोले ३७ वटा घरमा नोक्सानी पु¥याएको छ । त्यसमध्ये १३ वटा घर पूरै भत्किँएको छ ।
कमेन्ट गर्नुहोस्
