काठमाडौँ । नेपालमा थप २ हजार ३६४ जनामा कोरोना भाइरस संक्रमण पुष्टि भएको छ ।
पछिल्लो २४ घण्टामा १ हजार ३८० पुरुष र ९८४ महिला गरी २ हजार ३६४ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको हो ।
योसँगै नेपालमा कोरोना संक्रमितको कुल संख्या १ लाख ६४ हजार ७१८ पुगेको छ ।
२४ घण्टामा काठमाडौँ उपत्यकामा १६१५ कोरोना संक्रमित थपिएका छन्। ती मध्ये काठमाडौँमा १ हजार ३ सय ३८ जना, भक्तपुरमा ९७ र ललितपुरमा १ सय ८० जना संक्रमित भेटिएको मन्त्रालयले जनाएको छ।
हालसम्म नेपालमा १ लाख २४ हजार ८६२ जना कोरोना संक्रमण मुक्त भएका छन् । मन्त्रालयका अनुसार पछिल्लो २४ घण्टामा ३ हजार ३८ जना निको भएका छन् ।
यसैगरी पछिल्लो २४ घण्टामा थप १७ जना कोरोना संक्रमितको मृत्यु भएको छ। यो सँगै नेपालमा कोरोना संक्रमित मृतकको संख्या ९ सय ४ पुगेको छ। यो कुल संक्रमितको ०.६ प्रतिशत हो ।
पछिल्लो २४ घण्टामा ९ हजार ७६९ पीसीआर परीक्षण भएको छ । हालसम्म १४ लाख १९ हजार ६४ परीक्षण भएको छ ।
हाल देशभर कुल संक्रमितमध्ये ३८ हजार ९ सय ५२ जना सक्रिय संक्रमित छन्।
हाल क्वारेन्टीनमा २ हजार ६ सय ८९ रहेको मन्त्रालयले जनाएको छ।
