पोखरा । छिमेकी देश भारतमा थप १७ हजार ९०९ जनामा कोरोना संक्रमण पुष्टि भएको छ ।
योसँगै भारतमा कोरोना संक्रमितको कुल संख्या १ करोड ३ लाख ७५ हजार ४७८ पुगेको छ ।
संक्रमितमध्ये हालसम्म भारतमा ९९ लाख ९६ हजार ५०१ जना निको भएका छन् । गत २४ घण्टामा २१ हजार १६१ जना संक्रमणमुक्त भएका हुन् ।
यस्तै, पछिल्लो २४ घण्टामा थप २६५ कोरोना संक्रमितको मृत्यु भएको छ । यससँगै भारतमा कोरोना संक्रमणबाट मृत्यु हुनेको संख्या १ लाख ५० हजार १५१ पुगेको छ ।
हाल भारतमा २ लाख २८ हजार ८२६ सक्रिय संक्रमित रहेका छन् । तीमध्ये ८ हजार ९४४ जना गम्भीर बिरामी रहेका छन् ।
अहिले भारत सबैभन्दा बढी कोरोना संक्रमण फैलिएको देशको सूचिमा दोस्रो स्थानमा छ ।
कमेन्ट गर्नुहोस्
