पोखरा । पोखरामा ग्यास सिलिण्डर विस्फोट हुँदा एक महिला जलेर घाइते भएकी छन् ।
पोखरा महानगरपालिका–३३ बहुमारास्थित गण्डकी बेँसी निवासी ४६ वर्षीया पद्मा कुमारी थापा शनिबार बिहान ५ बजे भान्सा कोठामा चिया पकाउने क्रममा एक्कासी ग्याँसमा आगलागी हुँदा जलेर घाइते भएकी हुन् ।
घाइते थापाको पश्चिमाञ्चल क्षेत्रीय अस्पताल पोखरामा उपचार भइरहेको गण्डकी प्रदेश प्रहरी कार्यालय पोखराले जनाएको छ । उनको अवस्था खतरामुक्त रहेको जनाइएको छ ।
प्रहरीका अनुसार रातको समयमा ग्याँस लिक भई कोठामा जम्मा भएको र बिहान ग्याँस बाल्ने क्रममा एक्कासी आगलागी भई पड्किएको थियोे ।
आगलागीबाट धनबहादुर थापाको दुई तले पक्की घरको भान्साकोठाको पर्खाल, ढोका र झ्यालमा क्षति पुग्नुको साथै घरका अन्य सातवटा झ्यालका सिसासमेत फुटेको र भर्याङको रेलिङमा समेत क्षति पुगेको प्रहरीले जनाएको छ ।
कमेन्ट गर्नुहोस्
