पोखरा । देशभर थप १०४ जनामा कोरोना (कोभिड १९) संक्रमण पुष्टि भएको छ ।
गत २४ घण्टामा ४८ महिला र ५६ पुरुष गरी १०४ जनामा कोरोना पुष्टि भएको स्वास्थ्य तथा जनससंख्या मन्त्रालयले जनाएको हो ।
योसँगै नेपालमा कोरोना संक्रमण पुष्टि हुनेको संख्या २ लाख ७२ हजार ७१८ पुगेको छ ।
यस्तै, गत २४ घण्टामा देशभरबाट थप १३१ जना निको भएका छन् । योसहित नेपालमा कोरोना संक्रमणमुक्त हुनेको संख्या २ लाख ६९ हजार ६० पुगेको छ ।
हालसम्म नेपालमा २ हजार ५४ जनाको कोरोना संक्रमणका कारण मृत्यु भइसकेको छ । मन्त्रालयका अनुसार गत २४ घण्टामा भने कोरोनाबाट कसैको पनि मृत्यु भएको छैन ।
अहिले देशभर १ हजार ६०४ सक्रिय संक्रमित छन् । क्वारेन्टीनमा ७९ जना छन् ।
मन्त्रालयलका अनुसार गत २४ घण्टामा देशभरका प्रयोगशालमा १ हजार ५०१ परिक्षण भएको छ भने हालसम्म २१ लाख १७ हजार ५० परिक्षण भएको छ ।
कमेन्ट गर्नुहोस्
