टर्कीको स्तानबुलमा भएको आक्रमण आतंककारीहरूले गराएको टर्कीको आशंका रहेको छ । यहाँका राष्ट्रपति रिसेप तैयप एर्डोगानले सो कुरा बताएका छन । उनले यो कार्य आतंककारीहरूबाट भएको हो र यो आतंककारी कार्य भएको बताए । आइतबार इस्तानबुलमा आयोजित एक पत्रकार सम्मेलनमा उनले भने,’अहिले नै यसो भन्न त हतार हुनसक्छ, त्यसैले मैले सय प्रतिशत नै आतंककारी हमला त भन्न सक्दिन, तर पनि यो काम आतंक कारीकै हो भन्ने हाम्रो प्रारम्भिक अनुसन्धानले देखाएको छ ।
उनले जि२० को सम्मेलनमा सहभागी हुन इन्डोनेसिया जानुअघि इस्तानबुलमा आयोजित सो पत्रकार सम्मेलनमा उनले सो प्रतिक्रिया दिएका हुन् ।
उनले यो आक्रमणको पूर्ण अनुसन्धान त जारी नै छ तर अहिलेसम्मको अवस्था हेर्दा कुनै एकजना महिलाले आत्मघाती हमला गराएको जस्तो देखिएको पनि बताए । टर्कीको इस्तानबुल सहरमा आइतबार अपराह्न बम आक्रमण भएको थियो । अज्ञात व्यक्तिबाट भएको सो हमलामा परेर कम्तीमा पनि छ जनाको ज्यान गएको छ भने अरु ५३ जना घाइते भएका छन् ।
