कास्की : फोटो पत्रकार युवराज गुरुङ ‘युनिश‘ लाई यसवर्षको बालकल्याण संघ पत्रकारिता पुरस्कार २०८० ले सम्मान गरिएको छ ।
पोखरामा बसेर फोटो पत्रकारितामा क्रियाशिल गुरुङलाई संघको ३३ औं साधारण सभा तथा ७ औं अधिवेशनको अवसरमा सम्मान गरिएको हो।
गण्डकी प्रदेश सांसद प्रकाश बरालले गुरुङलाई नगद ७ हजार पाँच सयसहित दोसल्ला र सम्मानपत्र हस्तान्तरण गरेका थिए ।
बालबालिकाको क्षेत्रमा पत्रकारिता गरिरहेका पत्रकारलाई दिइने यस सम्मान यसअघि प्रकाश ढकाल, कृष्ण दवाडी,घनश्याम पाण्डे,नारायण शाही प्रदान गरिएको थियो ।
हाल समाधान राष्ट्रिय दैनिकमा आवद्द गुरुङ सन् २०१२ देखि राष्ट्रिय तथा अन्तराष्ट्रिय मिडियामा फोटो पत्रकारका रुपमा काम गर्दै आएका छन् ।
कमेन्ट गर्नुहोस्
