पोखरा । भारतको विश्व विख्यात सोनालिका ट्याक्टरको आधिकारिक बिक्रि कक्ष पोखराको पस्र्याङमा सुरु भएको छ ।गण्डकी प्रदेश कार्यालयका रुपमा न्यु पोखरा मल्टि ट्रेडर्स प्रालिले पोखरा-५ पस्र्याङबाट सेवा शुभारम्भ गरेको हो ।
खेतको राजा, सडकको बादशाहसहित सार्वजनिक भएको सोनालिकाको विभिन्न मोडलका ट्याक्टर बिक्रीका लागि राखिएको प्रालिका सञ्चालक राजकुमार पौडेलले जानकारी दिए ।
डिजेलबाट चल्ने सो ट्याक्टर खेत जोत्नका साथै बिभिन्न सामाग्रीको डेलिभरी गर्न राम्रो भारवहन क्षमता र सन्तुलित भएको सेल्स म्यानेजर नवराज पौडेलले बताए ।
शुभारम्भकै दिन केही ट्याक्टर बिक्री र बुकिङ समेत भएका छन् । शुक्रबार ट्याक्टर खरिद गर्ने पहिलो ग्राहकलाई कम्पनीले चावी हस्तान्तरण गरेको छ ।
पोखरा, महेन्द्र गुफाका बलराम सुनारलाई प्रालिका सञ्चालक राजकुमार पौडेल, दीपक पौडेल,भानु मेसिनरीका सुदीपराज कोईराला,व्यवसायी अशोक केसी, रामचन्द्र पौडेल,लक्षिन खत्री र सेल्स म्यानेजर नरेश पौडेलले चावी हस्तान्तरण गरे ।
पोखरामा ४० को दशकमा भानु मेसिनरीले पहिलो पटक ट्याक्टर भित्र्याएर बिक्री गरेको थियो । दुई दशकदेखि यही व्यवसायमा संलग्न राजकुमार पौडेल र दीपक पौडेलले सो बिक्रि कक्ष संचालनमा ल्याएका हुन् ।
कक्षमा सोनालिका ब्रान्डमा १५ एच पि देखि १२५ एच पिसम्मका टु ह्विल र फोर ह्विल ड्राइभका ट्याक्टरहरु उपलब्ध रहेको अर्का सञ्चालक दीपक पौडेलले जानकारी दिए ।
नेपालमा सबै भन्दा बढी बिक्री हुँदै आइरहेको सोनालिका ट्याक्टरलाई गण्डकी प्रदेशमा समेत सर्वोत्कृष्ट बनाउने लक्ष्य राखिएको प्रालिले जनाएको छ ।
