पोखरा । वैदेशिक रोजगार शाखा संरक्षण संघ गण्डकीमा आबद्ध शाखा सचालकहरुका लागि वैदेशिक रोजगार सम्वन्धि ऐन कानुन र शाखा सञ्चालन सम्बन्धमा एकदिने तालिम सम्पन्न भएको छ।
श्रम तथा रोजगार कार्यलय प्रमुख वरिष्ठ अधिकृत सुरेश ढकालको प्रमुख आतिथ्यता, विभागिय प्रमुख प्रदिप ढकालको प्रशिक्षण र नायव सुव्वा जिवाखर शर्मा आतिथ्यतामा ७५ जनाभन्दा बढी म्यानपावर शाखा प्रमुख हरुलाई प्रशिक्षण गरिएको हो। सो अभिमुखिकरणमा म्यानपावर भित्र देखिने बेथिती र शाखा सञ्चालन गर्दा अपनाउनुपर्ने नितिनियमकाबारे जानकारी गराईएको थियो।
कार्यक्रममा प्रशिक्षण विभागिय अधिकृत प्रदिप ढकालले गरेको थिए। श्रम तथा रोजगार कार्यलय प्रमुख वरिष्ठ अधिकृत सुरेश ढकालले वैदेशिक रोजगार ऐन २०६६ ले २०८१ को वैदेशिक रोजगार व्यावसायलाई राम्रोसँग सम्बोधन गर्न कठिन भएको र केही बुदाँहरु संशोधनको अवस्था रहेको बताए।
उनले व्यावसायलाई मर्यादितढंगबाट सञ्चालन गर्न गराउन सुझाव दिए। कार्यक्रम का अध्यक्ष तथा संयोजक सुजन श्रेष्ठले शाखा हरु सञ्चालनका अभिलेखहरु कानुनसम्मत राख्न र कर्मचारीहरु नियुक्ति सम्वन्धमाबारे बोलिएका थिए।
उनले बजारमा वैदेशिक रोजगार सम्बन्धी व्यावसाय अनुमति प्राप्त संस्था बाहेकका केही शैक्षिक परामर्श केन्द्र र शिप तालिम केन्द्रहरुले अबैधानिक रुपमा वैदेशिक रोजगार सम्वन्धी कार्य गरी त्यसको दोष समेत म्यानपावर व्यावसायी भोग्नु परेको बताए।
वैदेशिक रोजगार शाखा संरक्षण संघ गण्डकी अध्यक्ष सुजन श्रेष्ठको संयोजकत्व, सहसंयोजक कोषाध्यक्ष केशर केसी, महासचिव धिराज श्रेष्ठ र श्रम तथा रोजगार कार्यलय पोखराको सहजीकरणमा सोमबार बाजेको सेकुवा नागढुङ्गा मा कार्यक्रम भएको हो।
वरिष्ठ उपाध्यक्ष रवि राज घिमिरे ले स्वागत मन्तव्य तथा व्यावसायी तर्फ देखि सल्लाहकार जगत मोहन गिरि शुभकामना मन्तव्य राखेका थिए।
