काठमाडौं । नेपाली राष्ट्रिय क्रिकेट टोली पाँच राष्ट्रबीचको टी–२० क्रिकेट सिरिजका लागि आज (बिहिबार) ओमान प्रस्थान गर्दैछन् । नेपाली टिम सिंगापुरबाटै अपरान्ह ओमान जाने भएका हुन् । नेपाली टिम सिंगापुरको समय अनुसार दिउँसो ३ः१० बजे ओमान प्रस्थान गर्ने छन् । नेपाली टिम सिंगापुरमा जारी त्रिकोणात्मक टी–२० सिरिज खेलेर ओमान जान लागेका हुन् ।
ओमान क्रिकेटले आयोजना गर्ने सिरिजमा नेपाल, आयोजक ओमान, टेष्ट राष्ट्र आयरल्याण्ड, हङकङ र नेदरल्याण्डबीच प्रतिस्पर्धा हुनेछ ।
सिरिज यहिँ असोज १८ देखि २३ सम्म हुनेछ । नेपालले पहिलो खेल हङकङसँग असोज १९ गते खेल्नेछ । यस्तै दोस्रो खेलमा नेदरल्याण्डसँग असोज २०, तेस्रो खेलमा आयरल्याण्डसँग असोज २२ र अन्तिम खेलमा नेपालले ओमानसँग असोज २३ गते खेल्ने छ ।
युएईमा आयोजना हुने आईसीसी टी–२० विश्वकपको ग्लोबल छनोटअघि ओमानले पाँच राष्ट्रबीचको सिरिज खेलाउन लागेको हो। नेपाल ग्लोबल छनोटमा नपुगे पनि ओमानले गरे आमन्त्रण गरेपछि नेपालले सहभागिता जनाउन लागेको हो।
