काठमाडौं । सुदूरपश्चिम प्रदेशको पहाडी जिल्लामा आज(शनिबार) बिहानै लगातार दुईपटक भूकम्पको धक्का महसुस गरिएको छ ।
पहिलो बिहान ५ बजेर १५ मिनेटमा र दोस्रो ६ बजेर ४६ मिनेटमा भूकम्पको धक्का महसुस गरिएको हो। भूकम्प मापन केन्द्र सुर्खेतका टेक्निकल असिस्टेन्ट चन्दा शाहका अनुसार पहिलो भूकम्प बझाङ केन्द्रविन्दु भएर ३.७ रेक्टर स्केलको र दोस्रो भारतको उत्तराखण्ड प्रदेशको चमौली आसपास केन्द्रविन्दु भएर ५.३ रेक्टर स्केलको गएको हो।
भूकम्पको धक्का बैतडी, दार्चुला, बझाङ, अछामलगायतका जिल्लामा महसुस गरिएको छ। भूकम्पबाट कुनै क्षति भएको छैन।
कमेन्ट गर्नुहोस्
