पोखरा । पोखराको फेवातालमा डुबेर मृत्यु भएका एक युवकको एक महिनासम्म पनि पहिचान खुल्न नसकेको कास्की प्रहरीले जनाएको छ ।
गत बैशाख २६ गते दिउँसो साढे ४ बजेको समयमा फेवातालमा मृत अवस्थामा उनलाई भेटिएको थियो । पौडी खेल्दै गर्दा बेपत्ता भएका उनको करिव २ घण्टापछि शव फेला परेकोमा हालसम्म पहिचान खुल्न नसकेको कास्की प्रहरीले उल्लेख गरेको छ ।
गहुँगोरो वर्णको आर्यन अनुहार भएको, ठिक्कको शरिर भएको, कालो लामो कपाल पालेको, हल्का दाह्री जुँगा पालेको अन्दाजी २२–२५ वर्षको जस्तो देखिने युवकको शव फेला परेकोले कोही आफन्त वा चिनजानको व्याक्ति भए जिल्ला प्रहरी कार्यालय कास्कीमा सम्पर्क गर्न कास्की प्रहरीले आग्रह गरेको छ ।
प्रहरीले मृतकको सनाखतको लागि आवश्यक सहयोग गर्न सबैलाई अनुरोध समेत गरेको छ। जनप्रतिनिधिको रोहबारमा लाशजाँच मुचुल्का समेतको कार्य सम्पन्न गरी पश्चिम क्षेत्रीय अस्पताल गण्डकीको शव गृहमै रहेको छ ।
सम्बन्धित समाचारः
सराङकोटका राजु फेवातालमा मृत भेटिए, ३ दिनमा दुईको मृत्यु
