पोखरा । सुनचाँदीको मूल्यमा आज (आइतबार) सामान्य गिरावट आएको छ ।
गत शुक्रबारको तुलनामा सुन तोलामा दुई सय रुपैयाँले घटेको हो ।
आजका लागि छापावाल सुन तोलाको ९८ हजार ४ सय रुपैयाँ कायम गरेको नेपाल सुनचाँदी व्यवसायी महासंघले जनाएको छ । गत शुक्रबार तोलाको ९८ हजार ६ सयमा कारोबार भएको थियो ।
यस्तै तेजाबी सुनको मूल्य पनि घटेर तोलाको ९७ हजार ९ सय रुपैयाँ कायम गरिएको छ । गत शुक्रबार तोलाको ९८ हजार १ सय तोकिएको थियो ।
यसैगरी चाँदीको मूल्य पनि तोलामा ३० रुपैयाँले घटेको छ ।
आजका लागि चाँदी तोलाको १३ सय २५ रुपैयाँ कायम भएको महासंघले जनाएको छ । गत शुक्रबार तोलाको १३ सय ५५ रुपैयाँमा कारोबार भएको थियो ।
कमेन्ट गर्नुहोस्
