पोखरा । पोखरामा एकै पटक २९ जनामा कोरोना संक्रमण पुष्टि भएको छ ।
स्वास्थ्य निर्देशनालय गण्डकीले बिहीबार दिउँसो तेस्रो विज्ञप्ति मार्फत पोखरा महानगरका १२ जना महिला र १७ पुरुष गरी २९ जनामा कोरोना पुष्टि भएको जानकारी दिएको हो ।
निर्देशनालयका अनुसार वडा नं १, ५, १६ र ३० मा एकएक जनामा संक्रमण पुष्टि भएको छ ।
यस्तै वडा नं. १२ मा आठ जना, १० मा सात जना, २७ मा तीन जना तथा वडा नं. ८, १३ र १४ मा दुईदुई जनामा कोरोना देखिएको छ । त्यस्तै एक संक्रमितको भने वडा नं खुलाइएको छैन ।
यसैगरी तनहुँको व्यास १ र ४ का २९, २९ वर्षीया २ महिलामा पनि कोरोना संक्रमण पुष्टि भएको छ ।
यस सँगै गण्डकी प्रदेशमा कोरोना संक्रमितको संख्या २ हजार ३ सय ८ पुगेको छ ।
यसअघि बिहीबार बिहान पोखराका एक सहित गण्डकीमा ४ संक्रमित थपिएका थिए ।
कमेन्ट गर्नुहोस्
