बागलुङ । चट्याङ्ग लागेर बागलुङको ताराखोलामा एक पुरुषको मृत्यु भएको छ।
बुधबार राति वर्षासँगै परेको चट्याङ्गले लाग्दा ताराखोला गाउँपालिका–३ सिलमारेका भीमबहादुर बस्नेतको मृत्यु भएको हो ।
मोबाइल चार्जमा राख्न लागेको बेला चट्याङले उनलाई लागेको थियो ।
टाउकोमा गहिरो चोट लागेको उनको उपचारको क्रममा गलकोट हटियास्थित प्राथमिक स्वास्थ्यकेन्द्रमा राति नै मृत्यु भएको प्रहरीले जनाएको छ ।
शव पोष्टमार्टमपछि बिहीबार परिवारको जिम्मा लगाउने प्रहरीले जनाएको छ।
कमेन्ट गर्नुहोस्
