काठमाडौँ । साझा पार्टी र विवेकशील नेपाली दलबीच आज (बुधबार) एकता भएको घोषणा हुँदै छ । भ्रष्टाचार विरुद्धको अन्तर्राष्ट्रिय दिवसको अवसर पारेर यी दुई दलबीच एकता हुन लागेको हो ।
आज दिउँसो साढे ३ बजे एकता घोषणा कार्यक्रम भर्चुअल माध्ममार्फत गर्न लागिएको साझा पार्टीको सञ्चार विभागले जनाएको छ ।
दुई दलमा विभाजन भएको २३ महिनापछि साझा र विवेकशील पुनः एक हुन लागेका हुन्। २७ पुस ०७५ मा यी दुई दल विभाजन भएका थिए। अध्यक्ष रवीन्द्र मिश्र र संयोजक मिलन पाण्डे रहने गरी एकता गर्न लागिएको र केन्द्रीय समितिमा ६५/६५ जना रहने जनाइएको छ ।
पार्टी पदाधिकारीसहित केन्द्रीय समिति बराबरी हुनेगरी एकता गर्ने अनौपचारिक समझदारी यसअघि नै बनेको थियो।
यस्तै पार्टीको चुनाव चिह्न तराजु, पार्टीको नाम विवेकशील साझा पार्टी बनाउनेसमेत सहमति भइसकेको छ।
कमेन्ट गर्नुहोस्
