काठमाडौँ । बेलायतबाट नेपाल फर्किएका ५ जनामा कोरोना भाइरस (कोभिड–१९) को संक्रमण पुष्टि भएको छ ।
इपिडिमियोलोजी तथा रोग नियन्त्रण महाशाखा (इडिसिडी) का अनुसार बेलायतबाट फर्किएर क्वारेन्टिनमा बसेकामध्ये केहीमा लक्षण देखिएपछि पीसीआर परीक्षण गरिएको थियो । पीसीआर परीक्षण गराएका १२ जनामध्ये पाँच जनामा कोरोना संक्रमण पुष्टि भएको हो ।
तर उनीहरुलाई नयाँ प्रजातीको कोरोना भाइरस हो वा होइन भन्ने यकिन भइनसकेको बताइएको छ ।
बेलायतमा नयाँ प्रकारको कोरोना भाइरस भेटिएपछि त्यहाँबाट आउने नागरिकलाई १० दिन अनिवार्य क्वारेन्टिन बस्न सरकारले आग्रह गरिएको थियो ।
कमेन्ट गर्नुहोस्
