पोखरा । देशभर थप २६६ जनामा कोरोना भाइरस (कोभिड–१९) संक्रमण पुष्टि भएको छ ।
गत २४ घण्टामा ९१ महिला र १७५ पुरुष गरी २६६ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको हो ।
यससँगै नेपालमा कोरोना संक्रमितको संख्या २ लाख ६७ हजार ३२२ पुगेको छ ।
यस्तै, गत २४ घण्टामा थप ५ जना संक्रमितको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या १ हजार ९५९ पुगेको छ ।
हालसम्म २ लाख ६१ हजार ४४४ कोरोना निको भएका छन् । पछिल्लो २४ घण्टामा मात्रै देशभरबाट थप ४०० जना संक्रमणमुक्त भएका हुन् ।
हाल देशभर ३ हजार ९१९ जना सक्रिय संक्रमित रहेका छन् । क्वारेन्टीनमा २२१ जना रहेका छन् ।
मन्त्रालयका अनुसार देशभरका प्रयोगशालमा गत २४ घण्टामा ३ हजार ५०८ परिक्षण भएको छ भने हालसम्म २० लाख १२ हजार ४५२ परिक्षण भएको छ ।
कमेन्ट गर्नुहोस्
