पोखरा । देशभर गत २४ घण्टामा थप १६२ जनामा कोरोना भाइरस (कोभिड १९) संक्रमण पुष्टि भएको छ ।
यससँगै नेपालमा कुल संक्रमित संख्या २ लाख ७७ हजार ३०९ पुगेको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार हालसम्म ९७ हजार ४२० जना महिला र १ लाख ७९ हजार ८८९ पुरुषमा कोरोना संक्रमण भएको हो ।
यस्तै, पछिल्लो २४ घण्टामा थप ५९ जना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संख्या २ लाख ७२ हजार ७८६ पुगेको छ ।
हालसम्म नेपालमा कोरोना संक्रमणका कारण ३ हजार ३० जनाले ज्यान गुमाइसकेका छन् । पछिल्लो २४ घण्टामा भने कोरोनाले कसैको पनि ज्यान गएको छैन ।
हाल नेपालमा १ हजार ४९३ जना सक्रिय संक्रमित छन् । क्वारेन्टीनमा ५९ जना छन् ।
मन्त्रालयका अनुसार गत २४ घण्टामा देशभरका प्रयोगशालमा ३ हजार ९१९ परिक्षण भएको छ भने हालसम्म २२ लाख ७१ हजार ३२७ परिक्षण भएको छ।
