कास्की : सेती नदीमा बेपत्ता भएका व्यक्तिको खोजीका लागि बिहीबार बिहान ‘ड्याम’ खोलिने भएको छ।
बिहीबार बिहान ८ बजेपछि पोखरा महानगरपालिका-१६ दिपमा रहेको ड्याम खोलेर खोजी गर्न लागिएको कास्की प्रहरीले जनाएको।
बुधबार जिल्ला प्रहरी कार्यालय कास्कीले जारी गरेको सुचनाअनुसार गत फागुन १३ गते साँझ पोखरा महानगरपालिका-१ सिम्पानीमा बस्ने मानबहादुर तामाङ भनिने सार्की लामा तामाङ माछा मार्ने क्रममा सेतीमा बेपत्ता भएका थिए।
त्यसको भोलिपल्टदेखि नेपाल प्रहरी र सशस्त्र प्रहरी बलको टोलीले खोजतलास गरेका थिए । उनी फेला नपरेपछि ड्याम नै खोल्नुपर्ने अवस्था आएको प्रहरीले बताएको छ।
ड्याम खोलिएको समयमा नदीमा पानीको बहाव बढ्ने भएकोले नदी वरपर सतर्कता अपनाउन कास्की प्रहरीले अनुरोध गरेको छ।
कमेन्ट गर्नुहोस्
