काठमाडौं । डिफेन्डिङ च्याम्पियन नेपोलीले इटालीको सिरी ए मा शनिबार विजयी सुरुआत गरेको छ । केभिन डे ब्रुएनाले डेब्युमै गोल गरेपछि उसले ससुलोलाई २-० ले हरायो ।
सुरुमा स्कट म्याकटोमिनीले गोल गरेपछि म्यानचेस्टर सिटी छाडेर इटाली आएका डे ब्रुएनाले अर्को गोल गरेका हुन् । इंग्ल्यान्डमा करिब एक दशक लामो समय खेलेर उनी इटाली आएका हुन् ।
शनिबारकै अर्को खेलमा एसी मिलान क्रेमोनेसको हातबाट २-१ ले स्तब्धपूर्ण हार बेहोर्न बाध्य भयो । एस रोमाले भने बोलोग्नालाई १-० ले हरायो ।
कमेन्ट गर्नुहोस्
