पोखरा, १९ फागुन । कास्कीको अन्नपुर्ण गाँउपालिका २, ढिकुरपोखरीकी १९ बर्षीया दिव्या अधिकारी फेवातालमा मृत भेटिएकी छिन् । पोखरा महानगरपालिका वडा नं. ६ स्थित गौरीघाटमा फेवातालमा तैरिरहेको अबस्थामा दिव्या मृत भेटिएको वडा प्रहरी कार्यालय बैदामका प्रहरी प्रमुख डिएसपी कोमल शाहले जानकारी दिए ।
किनार नजिकै फेवातालमा घोप्टो परेको अवस्थामा उनलाई भेटिएको शाहले बताए । नर्सिङ अध्ययनरत अधिकारी सबेरै क्याम्पस जानको लागि घरबाट हिँडेको बताइएको छ । उनको शव पोष्टमार्टमका लागि पोखरा स्वास्थ्य बिज्ञान प्रतिष्ठानमा लगिएको छ ।
शव भेटिएको स्थल नजिकै उनको स्कुटर पनि भेटिएको छ । घटनाबारे अनुसन्धान अघि बढाइएको कास्की प्रहरीले जनाएको छ ।
कमेन्ट गर्नुहोस्
