पर्सा । पर्साको कालिकामाई–५ मा धारिलो हतियार प्रहार गरी श्रीमान ले श्रीमतीको हत्या गरेको छ । सामान्य घरायसी झगडाका कारण स्थानीय ३५ वर्षीया संगीतादेवी कुर्मीको उनका श्रीमान मुक्ति नारायण राउत कुर्मीले हत्या गरेका हुन् ।
नारायणले आफ्नै घरमा दाउले श्रीमतीको घाँटीमा प्रहार गरी श्रीमतीको हत्या गरेको जिल्ला प्रहरी कार्यालय पर्साले जनाएको छ । घटना भएको वेला ३ जना छोराछोरी साथमै भएका कारण मनोविश्लेषक बोलाएर उनीहरुसँग पनि सोधपुछ गर्ने तयारी भैरहेको पनि प्रहरीले जनाएको छ ।
कुर्मीको शवलाई पोष्टमार्टमका लागि नारायणी अस्पताल, वीरगञ्ज पठाइएको प्रहरीले जनाएको छ । प्रहरीले घटनामा संलग्न भएको आरोपमा कुर्मीका श्रीमान नारायणको खोजी कार्यलाई तिव्र पारेको छ ।
कमेन्ट गर्नुहोस्
