चितवन– टेलिभिजन प्रस्तोता रवि लामिछानेका समर्थकहरुले आज पनि भरतपुरमा प्रदर्शन जारी राखेका छन् । लामिछानेको रिहाईको माग गर्दै भइरहेको प्रदर्शनका क्रममा आक्रोशित प्रदर्शनकारीहरुले दुईवटा ट्रकमा तोडफोड गरेका छन् ।
काठमाडौँबाट हेटौँडा जाँदै गरेको ना ६ ख ४२ नम्बरको ट्रकमा तोडफोड गरेको प्रहरीले जनाएको छ । त्यस्तै पर्सा टाँडी हुँदै नवलपरासी चौधरी ग्रुपतर्फ जाँदै गरेको ना ४ ख ४३२५ नम्बरको अर्को ट्रकमाथि पनि तोडफोड भएको छ ।
दुवै ट्रकमा आशिंक क्षति पुगेको बताइएको छ । दुवै ट्रकलाई भरतपुरको बसपार्क र हाकिचोकमा तोडफोड गरिएको जिल्ला प्रहरी कार्यालय चितवनले जानकारी दिएको छ ।
जिल्ला प्रशासन कार्यलय चितवनले निषेधित क्षेत्र घोषणा गरे पनि भरतपुरका विभिन्न चोकचोकमा नारा, जुलुस, र्याली र प्रदर्शन भइरहेको छ । यसैबीच, आज नेकपा विप्लव समूहको चितवन बन्द गरेको छ ।
कमेन्ट गर्नुहोस्
