पोखरा, १८ कार्तिक \ निर्माणधिन पोखरा क्षेत्रीय अन्तर्राष्ट्रिय विमानस्थल घर जग्गा पीडित संघर्ष समिति हवेली मार्ग काजीपोखरी परिषदले राज्यले अधिग्रहण गर्ने प्रतिहात जग्गाको मुल्य साढे ४ लाख रुपैया दिनुपर्ने माग गरेको छ ।
मंगलबार बसेको समितिको बैठकले जग्गाको न्युनतम मुल्य ४ लाख ५० हजार दिनुपर्ने माग निर्णय गरेको हो । सो क्षेत्रका करिव ५ सय घडेरी र ६ वटा घर अधिग्रहणमा पर्ने छन् । त्यसको मुल्य बजार भाऊ अनुसार चलनचल्तीको दिनुपर्ने समितिले माग गरेको हो । समितिका अध्यक्ष डिलबहादुर कार्कीले विमानस्थल निर्माण तुरुन्त थाल्नु पर्ने तथा घरघडेरीको मुल्य उचित दिनुपर्ने बताए । उनले विमानस्थल अधिग्रहण रेखाङ्कन परिधिपछि बाटो वन्द भएका घडेरी जग्गा पुरै लिने या बाटो सहित छाड्ने सम्बन्धित निकायलाइ अनुरोध गर्ने बताए ।
बैठकले घडेरी जग्गाको क्षेत्रफल नमिलेका घडेरी जग्गाहरुको ट्रायल जाँच गर्न सम्बन्धित निकायलाइ अनुरोध गर्ने, अधिग्रहणको क्षेत्रमा परेका घरहरुको यर्थात मुल्य काम गर्न समितिद्धारा प्राविधिक ल्याइ सबै घरको मुल्याङ्कन गर्न लगाउने र विमानस्थल उच्चस्तरीय समितिको संयोजक सभासद रवीन्द्र अधिकारीसंग डेलीगेसन जाने लगायतका निर्णय बैठकले गरेको अध्यक्ष कार्कीले बताए ।
समितिले प्रमुख जिल्ला अधिकारी, पोखरा नागरीक उडड्य प्राधिकरण, पर्यटन मन्त्रालयमा डेलीगेसन गइ आफ्ना मागबारेमा जानकारी गराएको छ ।
