काठमाडौं । कोरोना भाइरसको संक्रमणबाट चीनमा अहिलेसम्म २५९ जनाको मृत्यु भइसकेको छ । चीनमा मात्र भाइरसको संक्रमणबाट ११ हजार ७९१ संक्रमित भएको चिनियाँ सञ्चारमाध्यमहरुले जनाएका छन् ।
विश्भर १२ हजारभन्दा बढी संक्रमित भएको सीएनएनले जनाएको छ । यसको संक्रमण विश्भरका २४ मुलुकमा फैलिएको छ । अमेरिकामा सातजनामा कोरोनाको संक्रमण भेटिएको छ भने बेलायतमा दुईजना, भारतमा एक, नेपालमा एक, अस्ट्रेलियामा ९, जापान १७, दक्षिण कोरिया ११, थाइल्याण्डमा १९ जनामा संक्रमण देखिएको छ । त्यसैगरी मलेसियामा ७, यूएईमा ४ जनामा नोभेल कोरोना भाइरसको संक्रमण देखिएको छ ।
कोरोना भाइरसको सङ्क्रमणले महामारीको रूप लिएपछि विश्व स्वास्थ्य सङ्गठनले शुक्रबार नै विश्वभर ‘स्वास्थ्य सङ्कटकाल’ घोषणा गरेको छ।
कोरोना भाइरसका कारण चीनबाहेक अन्य देशमा हालसम्म कसैको पनि मृत्यु भने भएको छैन।
कमेन्ट गर्नुहोस्
