काठमाडौँ । नेपालमा कोरोना संक्रमणबाट थप ७ जनाको मृत्यु भएको छ।
स्वास्थ्य तथा जनसंख्या मन्त्रालयलको नियमित कोरोना मिडिया ब्रिफिङका क्रममा मन्त्रालयका प्रवक्ता डा.जागेश्वर गौतमले जिल्लाका एक महिला सहित ७ जनाको मृत्यु भएको जानकारी दिएका हुन् ।
पछिल्लो २४ घण्टामा कोरोनाबाट काठमाडौँकी ७१ वर्षीया एक महिलासहित ७४ र ६६ वर्षीय दुई पुरुषको मृत्यु भएको हो।
यस्तै सिरहाका २२ वर्षीय, पर्साका ६८ वर्षीय, धनुषाका ७६ वर्षीय, र रुपन्देहीका ५३ वर्षीय पुरुषको पनि कोरोना संक्रमणबाट मृत्यु भएको मन्त्रालयले जनाएको छ।
योसँगै नेपालमा कोरोना संक्रमणबाट मृत्यु हुनेको संख्या १ सय ६४ पुगेको छ।
हाल नेपालमा कोरोना संक्रमितको संख्या ३३ हजार ५३३ जना पुगेको छ भने डिस्चार्ज हुनेको संख्या १९ हजार ११९ पुगेको छ । मन्त्रालयका अनुसार ५७ प्रतिशत डिस्चार्ज भएका हुन् ।
विगत २४ घण्टायता ११ हजार ३ सय २७ जनाको पिसिआर परीक्षण भएको छ भने हालसम्म ६ लाख २१ हजार ९ सय १ जनाको परीक्षण भएको छ।
हाल आइसोलेनमा १४ हजार २ सय ५० छन् । जसमध्य होम आइसोलेनमा ५ हजार ६ सय ६९ जना र संस्थागत आइसोलेनमा ८ हजार ५ सय ८१ जना छन् । हाल १० हजार ४ सय ५३ जना क्वारेन्टीनमा छन्।
