पोखरा । शुक्रबार पोखराका ५५ सहित गण्डकी प्रदेशमा थप ७१ जनामा कोरोना भाइरस संक्रमण पुष्टि भएको छ ।
स्वास्थ्य निर्देशनालय गण्डकीले शुक्रबार जारी गरेको विज्ञप्ति अनुसार प्रदेशका ५ वटा जिल्लाका ७१ जनामा कोरोना संक्रमण देखिएको हो ।
कोरोना पुष्टि हुनेमा कास्कीका ५५ जना, तनहुँका ६ जना, पर्वतका ५ जना, स्याङ्जाका ३ जना र म्याग्दीका एक जना रहेका छन् ।
कास्कीमा थपिएका संक्रमित सबै पोखरा महानगरपालिकाका हुन् ।
यससँगै गण्डकी प्रदेशमा कोरोना संक्रमितको संख्या १३ हजार ७३६ पुगेको छ ।
यस्तै, गत २४ घण्टामा ४३ जना संक्रमणमुक्त भएका छन् । यो सहित गण्डकीमा कोरोना संक्रमणमुक्त हुनेको संख्या ११ हजार ९५७ पुगेको छ ।
हाल प्रदेशभर १५९२ सक्रिय संक्रमित रहेका छन् ।
निर्देशनालयका अनुसार गत २४ घण्टामा ४२३ परिक्षण भएको छ भने हालसम्म १ लाख १६ हजार ४१५ परिक्षण भएको छ ।
कमेन्ट गर्नुहोस्
