तनहुँ । तनहुँको बन्दिपुरबाट लागुऔषधसहित दुई युवा पक्राउ परेका छन् ।
जिल्लाको बन्दीपुर गाउँपालिका–१ डुम्रेबजार स्थित पुलचोक खाजा घरबाट लागुऔषधसहित शुक्रबार लमजुङ बेँसीशहर–२ शन्तिटोल निवासी २७ वर्षीय गोवीन गुरुङ र बेँसीशहर–७ निवासी १९ वर्षीय विशाल घले पक्राउ परेका हुन् ।
उनीहरुको साथबाट डाइजापाम ४७ एम्पुल, नुर्फिन ४७ एम्पुल, र फेनरागन ४७ एम्पुल गरी जम्मा १४१ एम्पुल बरामद गरिएको गण्डकी प्रदेश प्रहरी कार्यालय पोखराले जनाएको छ ।
थप अनुसन्धान पनि सुरु गरिएको प्रहरीले जनाएको छ ।
कमेन्ट गर्नुहोस्
