काठमाडौं । इङ्लिस प्रिमियर लिग फुटबलमा आइतबार राति महत्वपूर्ण खेलहरु हुँदैछन् ।
प्रिमियर लिगको अन्तिम दिन म्यानचेस्टर सिटी र लिभरपुल बीच उपाधिका लागि रस्साकस्सी हुँदैछ ।
आज शीर्ष स्थानको सिटीले ब्राइजटोनको सामना गर्दै छ । दोस्रो स्थानको लिभरपुलले घरेलु मैदानमा उल्भ्ससँग प्रतिस्पर्धा गर्नेछ ।
दुबै टोलीबीचको खेल नेपाली समय अनुसार बेलुकी ७:४५ बाट सुरू हुनेछ ।
आजको खेलमा जित निकाल्दै साविक विजेता सिटी यो संस्करणको उपाधि पनि आफ्नो पोल्टोमा पार्ने योजनामा हुनेछ । यता, ब्राइजटन भने सिटीको उपाधि यात्रामा धक्का पुगाउने योजनामा हुनेछ ।
शीर्ष स्थानको सिटीलाई १७ औँ स्थानको ब्राइजटनको खास्सै चुनौती हुने छैन । यता, दोस्रो स्थानको लिभरपुल आफ्नो जितसहित सिटीको हार वा बराबरी चाहन्छ ।
आजको खेलमा लिभरपुललाई आफ्नो नतिजाले मात्र पुग्ने छैन ।
उता सिटीलाई भने आजको खेलमा जित मात्र आवश्यक छ । सिटी ३७ खेलमा ९५ अंक सहित लिगको शीर्षस्थानमा छ । दोस्रो स्थानको लिभपुलको ९४ अंक छ ।
