काठमाडौँ । विश्वमा कोरोना भाइरस (कोभिड–१९) संक्रमणबाट मृत्यु हुनेहरुको संख्या ८ लाख नाघेको छ। जोन्स हप्किन्स विश्वविद्यालयको आइतबार बिहानसम्मको तथ्याङ्कअनुसार मृत्यु हुनेहरुको संख्या ८ लाख २ हजार ६ सय ९३ पुगेको हो।
विश्वमा हालसम्म संक्रमित हुनेको संख्या २ करोड ३१ लाख २० हजार ८ सय ३० पुगेको छ भने १ करोड ४८ लाख ४२ हजार ३ सय ८२ निको भएका छन्।
संक्रमणबाट सबैभन्दा बढी प्रभावित अमेरिकामा १ लाख ७६ हजार ३ सय २१ जनाको मृत्यु भएको छ भने संक्रमितको संख्या ५६ लाख ६४ हजार ८ सय ४८ पुगेको छ।
यस्तै, ब्राजिलमा मृत्यु हुनेको संख्या १ लाख १४ हजार २ सय ५० पुगेको छ भने ३५ लाख ८२ हजार ३ सय ६२ जना संक्रमित भएका छन् ।
यता छिमेकी देश भारतमा मृत्यु हुनेको संख्या ५५ हजार ७ सय ९४ पुगेको छ भने संक्रमित संख्या २९ लाख ७५ हजार ७ सय १ पुगेको छ ।
कमेन्ट गर्नुहोस्
