पोखरा । मंगलबार गण्डकी प्रदेशमा थप २६ जनामा कोरोना संक्रमण पुष्टि भएको छ ।
स्वास्थ्य निर्देशनालय गण्डकीका अनुसार मंगलबार कास्कीका २५ र बाग्लुङका १ जनामा कोरोना पुष्टि भएको हो ।
यससँगै गण्डकी प्रदेशमा कोरोना संक्रमितको संख्या १४ हजार ४४७ पुगेको छ ।
यस्तै, पछिल्लो २४ घन्टामा गण्डकीबाट ६१ जना निको भएका छन् । यो सँगै, प्रदेशमा कोरोना संक्रमणमुक्त हुनेको संख्या १३ हजार २१९ पुगेको छ भने ।
हाल प्रदेशभर सक्रिय संक्रमितको संख्या १ हजार ३७ रहेको छ ।
कोरोना संक्रमणका कारण गण्डकीमा हालसम्म १९१ जनाको मृत्यु भइसकेको छ ।
निर्देशनालयका अनुसार गत २४ घन्टामा प्रदेशभरको प्रयोगशालामा ४३६ परिक्षण भएको छ भने हालसम्म १ लाख २० हजार १८२ परिक्षण भएको छ ।
कमेन्ट गर्नुहोस्
