पोखरा । पोखराको मोहोरीया टोलमा अवस्थित विन्ध्येश्वरी आदर्श बोर्डिङ स्कुलमा कक्षागत रूपमा कक्षाकोठा सजावट प्रतियोगिता सम्पन्न भएको छ। कक्षालाई सिकाइमैत्री र शैक्षिक वातावरणयुक्त बनाउन आयोजित प्रतियोगितामा कक्षा १ देखि १० सम्मका विद्यार्थीहरूले सक्रिय सहभागिता जनाएका थिए।
प्रतियोगितामा कक्षा १ देखि ३ सम्मको पहिलो तहमा कक्षा २, कक्षा ४ देखि ७ सम्मको दोस्रो तहमा कक्षा ६, र कक्षा ८ देखि १० सम्मको तेस्रो तहमा कक्षा ८ ले प्रथम स्थान हासिल गरेका छन्।
विद्यालयका प्राचार्य कृष्ण कुमार श्रेष्ठले प्रतियोगिताको नतिजा सार्वजनिक गर्दै अतिरिक्त क्रियाकलापले विद्यार्थीको लुकेको प्रतिभा उजागर गर्न महत्वपूर्ण भूमिका खेल्ने बताए।
निर्णायक समिति सदस्य होमराज अधिकारी र शान्ति रानाले उत्कृष्ट भएका कक्षालाई पुरस्कार प्रदान गरेकी थिइन्। प्रतियोगितामा विद्यार्थी तथा विषयगत शिक्षकहरूको संयुक्त प्रयासमा पाठ्यपुस्तकमा आधारित सिकाइ क्रियाकलापहरूलाई समेटेर विभिन्न शिक्षण सामाग्री निर्माण गरी कक्षाकोठा सजाइएको थियो।
