काठमाडौँ । विश्वमा कोरोना संक्रमणबाट मृत्यु हुनेको संख्या ९ लाख ८७ हजार नाघेको छ। पछिल्लो २४ घण्टामा मात्रै ५ हजार ८७२ जनाको मृत्यु भएसँगै मृतक संख्या ९ लाख ८७ हजार १५६ पुगेको हो ।
यस्तै २४ घण्टामा विश्वमा ३ लाख १४ हजार ७८८ संक्रमित थपिएका छन् । यससँगै विश्वभर कोरोना संक्रमितको संख्या ३ करोड २४ लाख १ हजार ६५६ पुगेको छ ।
हालसम्म विश्वमा २ करोड ३९ लाख १६ हजार ९४० जना कोरोना संक्रमणमुक्त भएका छन् ।
कोरोनाले सबैभन्दा बढी प्रभावित मुलुक अमेरिकामा संक्रमितको संख्या ७१ लाख ८५ हजार ४४४ पुगेको छ भने मृत्यु हुनेको संख्या २ लाख ७ हजार ५३८ पुगेको छ ।
त्यस्तै दोस्रो प्रभावित भारतमा कोरोना संक्रमितको संख्या ५८ लाख १६ हजार १०३ पुगेको छ भने त्यहाँ ९२ हजार ३१७ संक्रमितको मृत्यु भइसकेको छ ।
यसैगरी तेस्रो प्रभावित मुलुक ब्राजिलमा कोरोना संक्रमितको संख्या ४६ लाख ५९ हजार ९०९ पुगेको छ भने मृत्यु हुनेको संख्या १ लाख ३९ हजार ८३३ पुगेको छ ।
