पोखरा । पोखरामा थप दुई जना कोरोना संक्रमितको मृत्यु भएको छ । स्वास्थ्य निर्देशनालय गण्डकीका अनुसारका एक जनाको अस्पतालमा उपचारका क्रममा र एक जनाको होम आइसोलेसनमा मृत्यु भएको हो ।
कास्कीको पोखरा महानगरपालिका वडा नं. २५ का ७० वर्षीय पुरुषको गण्डकी मेडिकल कलेज, पोखरामा उपचारका क्रममा शुक्रबार बिहान ११ः१५ बजे मृत्यु निर्देशनालयले जनाएको छ । ती पुरुषमा कार्तिक १८ गते कोरोना पुष्टि भएको थियो ।
यस्तै होम आइसोलेसनमा बसेका पोखरा महानगरपालिका वडा नं.२० का ८३ वर्षीय पुरुषको पनि मृत्यु भएको छ । कार्तिक २६ गते बुधबार कोरोना पुष्टि भएका ती पुरुषको २७ गते बिहीबार मृत्यु भएको हो ।
यससँगै गण्डकी प्रदेशमा कोरोना संक्रमणबाट मृत्यु हुनेको संख्या ११८ पुगेको छ ।
कमेन्ट गर्नुहोस्
