पोखरा । देशभर गत २४ घण्टामा थप ११४ जनामा कोरोना भाइरस (कोभिड १९) संक्रमण पुष्टि भएको छ ।
यससँगै नेपालमा कुल संक्रमित संख्या २ लाख ७५ हजार ४२४ पुगेको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार हालसम्म ९६ हजार ६७८ जना महिला र १ लाख ७८ हजार ७४६ पुरुषमा कोरोना संक्रमण भएको हो ।
हालसम्म नेपालमा २ लाख ७१ हजार ४९५ जना संक्रमणमुक्त भएका छन् । पछिल्लो २४ घण्टामा मात्रै ९४ जना संक्रमणमुक्त भएका हुन् ।
हालसम्म नेपालमा कोरोना संक्रमणका कारण ३ हजार १४ जनाले भने ज्यान गुमाइसकेका छन् । पछिल्लो २४ घण्टामा भने कोरोनाले कसैको पनि ज्यान गएको छैन ।
हाल नेपालमा सक्रिय संक्रमितको संख्या ९१५ रहेको छ । क्वारेन्टीनमा ५१ जना छन् ।
मन्त्रालयका अनुसार गत २४ घण्टामा देशभरका प्रयोगशालमा २ हजार ७९० परिक्षण भएको छ भने हालसम्म २२ लाख २१ हजार ५१२ परिक्षण भएको छ।
