पोखरा । गण्डकी प्रदेशमा थप दुई जनाको कोरोना संक्रमणबाट मृत्यु भएको छ । स्वास्थ्य निर्देशनालय गण्डकीका अनुसार कास्की र नवलपुरका एक/एक जनाको कोरोनाबाट मृत्यु भएको हो ।
कास्कीको पोखरा महानरपालिका वडा नं. १४ की ४८ वर्षीया महिलालको कोरोना संक्रमणबाट बुधबार दिउँसो १२ः२० बजे मणिपाल शिक्षण अस्पतालमा उपचारका क्रममा मृत्यु भएको हो । ती महिलामा मंसिर १३ गते कोरोना पुष्टि भएको थियो ।
यस्तै नवलपरासी पूर्वको कावासोती नगरपालिका वडा नं. १४ का ७८ वर्षीय पुरुषको मंगलबार राति ११ः१५ बजे मध्यविन्दु अस्पतालमा उपचारकै क्रममा मृत्यु भएको हो । ती पुरुषमा मंसिर १२ गते कोरोना संक्रमण पुष्टि भएको थियो ।
यससँगै गण्डकी प्रदेशमा कोरोना संक्रमणबाट मृत्यु हुनेको संख्या १६२ पुगेको छ ।
कमेन्ट गर्नुहोस्
